農曆年前一家四口就體驗下高鐵上福田。近年嚟好多香港人上深圳玩（媽媽後生時都係）但近年同J&J 就真係好少上深圳，所以今次最主要係上去食下嘢。11:54 車到福田12:08 行午餐行下街再食晚飯回港。
早一日先去西九龍站買來回車票先。到了西九龍站已經有好多服務員幫忙購票（記得要帶齊所有出發成員回鄉証去購票）。 服務員建議早45分鐘到西九龍入閘過關，但當日發覺唔需要咁早。結果係後車室呆等 30分鐘🤦🏻♀️。全程J&J 勁興奮，感覺好似去坐飛機咁。過咗關後仲有 duty free。等上車後車室未有任何商店所以要飲嘢食嘢就入閘前係西九龍話購買先💁🏻♀️。
西九龍到福田只需15分鐘，J&J 兩個都話咁快到咗喇。落車過閘後 J&J 見到 family mart 勁開心，覺得去咗日本咁。 福田高鐵站連接連城新天地及附近多個商業及購物中心，由高鐵話行出去都要差不多10分鐘。
第一站就去睇睇平安金融中心先。平安金融中心樓高115層係國內第二高樓，有辦公大樓及十層商場。目前只有L5至L9層部分商舖開業，主要都係餐廳。
上到食市個層，人氣餐廳桂滿隴已經坐滿人係餐廳外等位。朋友建議3:30 先去攞籌，大約6:30 前就會有位。
由平安地庫就可以通去另一個商場 Coco Park。見到有茶賣又話要飲。唔知係太早或係做嘢慢，個兩杯茶足足等咗半個鐘。
行咗差不多半小時先決定去食呢間魚餐廳。 叫菜後就放底呢個漏斗。如果第一道菜係漏斗完前都未到，呢餐就免費。
餐廳裝修都同魚、海有關。唔係太豪華，環境舒服。大家都肚餓又真係18分鐘上第一道菜。燒韭菜 ⋯⋯ 韭菜嫩，全家搶食。
炭烤饅頭片 ¥5 / 蔥油麵 ¥12 / 醬油芝士拌飯 ¥16
食物唔差，有機會要再嚟試辣個D烤魚。
食飽就到阿媽同爸爸飲茶，肥哥哥再嚟一杯軟雪糕。人氣店真係極之多人，差不多45分鐘。我地嘗試用個QR 下單但不成。依家知點做，下次再去試下先得。 對我嚟講除左平過香港外，唔覺有幾特別。一試無防。
搵咗好耐先搵到個間家樂福，買咗D 火鍋湯底及杯麵又再食雪糕。
又係香港無嘅DQ
仲有榴蓮味。
食個雪糕休息下就行番去平安到攞籌。
大家都行到好攰都係搵個地方坐下。呢兩間餐廳都屬高消費，一杯紅酒都要58 人仔。飲一杯都差不多時間返去入座。
桂滿隴成網紅餐廳都係裝修非常有特色，對我嚟講食物就一般。朋友推介幾款菜式。6點入座都已經坐滿食客。
7點左右結賬，準備行去高鐵回家。坐高鐵真係好快，國內食飲都比香港平 ⋯⋯兩餐平均消費都係4百人仔左右，一家四口係旺角食個 pizza lunch 都要差不多 $800。總結，一天遊上福田比去澳門平。
是日行程：香港西九龍站🚄 福田站 ➡️ 平安金融中心 ➡️ Coco Park ➡️ 怡景中心城➡️
連城新天地➡️平安金融中心 ➡️購物公園B區➡️平安金融中心 ➡️福田站 🚄香港西九龍站
SHARK 鲨鱼餐吧(购物公园店)：http://www.dianping.com/shop/21323958
Traveling Date: Jan 2019
找我！
Instagram：https://www.instagram.com/annlau1014/
Comments